كبة المكسرات

Name: كبة المكسرات
Prep time: 20 min
Cook time: 1 h
Total time: 1 h 20 min
Cuisine: European, Mediterranean
Ingredients: ٢٥٠ غ بطاطا (نشوية او متعددة الاستخدام); ٦٠ غ بيكان; ملعقة طعام جزر مبشور; بقدونس; ملعقة صغيره زيت (زيتون او افوكادو); رشة ملح بحري او صخري; رشة قرفه السيلان; نص ملعقة صغيره كزبرة مطحونه; رشة فلفل اسود مطحون; جوز، بندق او كوب نت; مشروم; بصل اخضر، تشايف، ملفوف; بطاطا حلوة; chives

5 steps

Prep:20minCook:1h

شنو نحتاج في الشتا عشان ندفى؟ هالكباب! خلطة لذيذة من الكارب والالياف والدهون وبروتين للي ماراح تثقلنا بنفس الوقت تدفي. في الخليج موسم الكشته والباربيكيو في الشتا وهذه من الوصفات البسيطه الي تصلح للكشتة. شلون نختار البطاط للوصفه؟ نحتاج بطاطا فيها نستة نشا عالي فيا بطاطا نشويه يا بطاطا متعدده الاستخدام. احسن طريقه تتعرفون فيها على انواع البطاط انكم تسولفون مع المزارعين المحليين اكبر واحلى مكتبه تساعدكم اهي الحوار مع المزارعين. الحين في الصوره راح تشوفون اني مستخدمه سيخ من الستينليس ستيل، اذا عندكم وبتستخدمونهم بس لاتنسون تحطون زيت على السيخ، اذا تفضلون ماتستخدمون سيخ وبس تكورونها بايدكم هم خوش فكره. واذا مطبخكم فيه سياخ من البامبو، لا تنسون تنقعونهم في الماي لمده ١٥ دقيقه عشان مايحترقون. شنو احب مع كبابا المكسرات؟ اول شي احب الفه بخس مو خبز، اذا انتوا معاي من ايام جادي مورغن راح اكيد تذكرون راب كباب المكسرات، كنا نلفه بخس. بعد شنو لذيذ مع كبة المكسرات؟ سلطات مثل الفتوش، الكولسو، التبولة، سلطة يونانية، بصل بنفسجي مع سماق فلسطيني منقع في خل التفاح. ديب (غموس)؟ صلصة خل بسيطه ولذيذة. صلصات ثانية ممكن الروب مع النعناع والليمون، صلصة الجواكامولي، وهم اللبنة البنفسجية لذيذة مع الكباب.

Updated at: Wed, 08 Nov 2023 14:23:14 GMT

Ingredients

0 servings

بطاطا

نشوية او متعددة الاستخدام

غ بيكان

طعام

جزر مبشور

بقدونس

زيت

صغيره, زيتون او افوكادو

رشة ملح

بحري, او صخري

قرفه

رشة

نص ملعقة

صغيره, كزبرة مطحونه

ر فلفل اسود

شة, مطحون

اضافات اختيارية

جوز

بندق

كوب نت

مشروم

بصل اخضر

تشايف, ملفوف

بطاطا حلوة

chives

Instructions

Step 1

نخبز البطاطا المغسوله في الفرن لين تصير لينه، ٣٠-٤٥ دقيقة على حسب حجم البطاطا على درجة ١٨٠ درجة. ليش طبختها في الفرن بدل عن غلى البخار؟ لان ابي اقلل نسبة الرطوبة في البطاطا عشان ما تتفتت لما تنشوي

Step 2

نهرس البطاطا في ال (potato rice) ليش في الرايسر مو نهرسها بشوكة؟ الرايسر راح تعطيني قوام متجانس افضل من غير قطع كبيره ممكن بعدين تخلي الكبابه تتفتت، والسبب الثاني ان الرايسر عملية وحدة يعني مالازم نرجع ونهرس كذا مره لان البطاط النشوي اذا عجناه باستمرارية تتغير خواصة ويصير لزج. بس اذا ماعندج غير شوكة او هراسة البطاط استخدميها تأكدي انك ماتعجين الخليط وايد.

Step 3

الحين المكسرات: حطيت لكم الانواع الي احبها لهالوصفة، ومنهم البيكان وهذه الي استخدمته هني. راح احمصه بالفرن، الفرن يكون ساخن على درجة حرارة ١٧٠، نحط المكسرات في صينية فرن، نتأكد انه يكون بس طبقه وحدة عشان كل المكسرات تتحمص بنفس الدرجة. لمدة ٧ الى ١٠ دقايق. لما نطلع المكسرات من الفرن، نحطهم في صينية باردة عشان مايضلون في الصينية الحاره ويكملون تحميص زود وممكن يحترقون. شوفوا وصفه (How to: Nuts) اذا مهتمين اكثر بالمكسرات وطريقه تناولهم.

Step 4

لما المكسرات تبرد، نحطهم في الخلاطة عشان نطحنهم بشكل عشوائي يعني بين الناعم وقطع صغيره. (Pulsing)

Step 5

في بادية نخلط المكونات مع بعض. نكور العجينة وناخذ منها ٣٠ غ ونكورها بعدين نفردها على السيخ.