Skinkuhorn – veisluútgáfa

Þessi 80 skinkuhorn eru ekki lengi að klárast skal ég segja ykkur en gott er að lauma strax hluta af þeim í frystinn og grípa svo með í nesti eða þegar gesti ber að garði.

Uh-oh! We're unable to calculate nutrition for this recipe because some ingredients aren't recognized.

Step 1

Bræðið smjörið við miðlungshita

Step 2

Hellið mjólkinni út í og hitið þar til blandan er ylvolg.

Step 3

Hellið þá gerinu saman við og leyfið að standa í amk 5 mínútur þar til gerið fer örlítið að freyða.

Step 4

Setjið öll þurrefnin (hveiti, sykur,salt) í hrærivélarskálina á meðan og hellið mjólkurblöndunni svo varlega saman við og hnoðið með króknum (eða í höndunum).

Step 5

Stundum þarf að bæta örlítið meira af hveiti við en deigið má þó alveg vera örlítið blautkennt fyrir hefun.

Step 6

Smyrjið skál með matarolíu (ég notaði reyndar PAM matarolíusprey), mótið kúlu úr deiginu og komið fyrir í skálinni, snúið 1x til að maka olíunni allan hringinn og setjið því næst hreinan rakan klút yfir skálina og hefið í um 45 mínútur.

Step 7

Á meðan er gott að gera bökunarplötur tilbúnar, skera niður skinkuna og rífa ostinn.

Step 8

Skiptið deiginu í 10 hluta (svo hverjum í 8 einingar).

Step 9

Fletjið hvern hluta út og skiptið niður með pizzahníf. Raðið smurostinum, skinkunni og osti á hvern hluta og rúllið upp frá breiðari endanum.

Step 10

Munið að snúa upp á endana þegar á plötuna er komið til að koma í veg fyrir að góðgætið renni út á endunum.

Step 11

Penslið með pískuðu eggi og stráið smá osti yfir hvert horn.

Step 12

Bakið í 190°C heitum ofni í 12-15 mínútur eða þar til hornin verða gullinbrún.