Pottabrauð

Það er fátt betra en nýbakað brauð og hér er dúnmjúkt pottabrauð með stökkri skorpu sem er bakað í potti. Þessi uppskrift er ofureinföld og ekkert vesen að búa brauðið til.

Uh-oh! We're unable to calculate nutrition for this recipe because some ingredients aren't recognized.

Step 1

Setjið þurrger, sykur og volgt vatn saman í hrærivélarskálina og leyfið að standa í um 5 mínútur þar til gerið fer að freyða.

Step 2

Hellið þá saltinu saman við og hveitinu í nokkrum skömmtum, hrærið á lægsta hraða með króknum þar til deigið byrjar að losna frá hliðunum (deigið er aðeins klístrað og það er allt í lagi).

Step 3

Hjúpið deigkúluna með vel af hveiti og leyfið að hefast í hrærivélarskálinni í klukkustund.

Step 4

Takið deigið þá úr skálinni og færið yfir á hveitistráðan flöt á borði, togið deigið inn að miðju eins og þið séuð að pakka því inn allan hringinn, snúið því svo við og mótið fallega kúlu.

Step 5

Setjið kúluna í skál með sléttu hliðina upp sem búið er að strá hveiti í botninn og stráið aftur hveiti allan hringinn svo það festist ekki við skálina í seinni hefun, leyfið að hefast í skálinni í 30 mínútur.

Step 6

Hitið á meðan ofninn í 220° og setjið pottinn inn í á meðan til að hita hann.

Step 7

Takið deigkúluna varlega upp úr skálinni og leggið hana í heitan pottinn, nú má slétta kúluhliðin snúa niður svo smá óreglulegt mynstur komi við baksturinn.

Step 8

Bakið með lokið á pottinum í 30 mínútur, takið lokið þá af og bakið aftur í 10 mínútur.

Step 9

Leyfið brauðinu síðan að kólna í um 15 mínútur áður en það er skorið niður.